Նախագահ Քոչարյանը Մոսկվա չի մեկնի

30.10.2020

ՀՀ երկրորդ նախագահի գրասենյակը հայտարարություն է տարածել, որում ասվում է․ 
«Մոսկվա մեկնելու առաջարկը Ռոբերտ Քոչարյանին արվել է ԼՂՀ 2-րդ և 3-րդ Նախագահների կողմից։ Նախագահն ընդունել է այդ առաջարկի նպատակահարմարությունը, սակայն երկրից ելքը հայտնի պատճառով փակ էր նրա համար։ 
Վարչապետի հետ Արկադի Ղուկասյանի և Բակո Սահակյանի խոսակցությունից հետո դատարանը թույլատրեց Նախագահ Քոչարյանին մեկնել երկրից /մինչև նոյեմբերի 7-ը ելքի ժամկետի սահմանափակմամբ/ և նրան վերադարձվեց անձնագիրը։
Ռոբերտ Քոչարյանը մտադրված էր մոտակա օրերին մեկնել Մոսկվա և հանձնեց COVID թեստ, ինչը պարտադիր է Ռուսաստանի Դաշնություն մուտքի համար։ 
Թեստի պատասխանը դրական էր, ինչը լրիվ անսպասելի էր, քանի որ նա չուներ և մինչ այժմ էլ չունի հիվանդության որևէ ախտանիշ։
Ցավոք, ստեղծված իրավիճակում մեկնումը Մոսկվա և տարբեր հանդիպումների կազմակերպումը ժամանակավորապես անհնար է դարձել։
Այժմ Նախագահ Քոչարյանը գտնվում է ինքնամեկուսացման մեջ, սակայն անում է իրենից կախված ամեն ինչ, որպեսզի նպաստի Արցախում պատերազմի դադարեցմանը»։

Աղբյուրը՝ այստեղ։

Ավելին

18.05.2021

Ռոբերտ Քոչարյանը որոշել է հեռանալ «Սիստեմայից»

Ռոբերտ Քոչարյանը որոշել է հեռանալ «Սիստեմայից», այս մասին հայտնել է երկորդ նախագահի գրասենյակի ղեկավար Վիկտոր Սողոմոնյանը։ «Ըստ արժանվույնի գնահատելով 12-ամյա արդյունավետ աշխատանքի պատմությունը` Նախագահ Քոչարյանը, այնուամենայնիվ, սկզբունքային որոշում է կայացրել հրաժարվել այն շարունակելու հնարավորությունից»,- ասել է նա։

Ավելին
09.05.2021

Հիմք դրվեց «Հայաստան» դաշինքին

Այսօր քաղաքական համագործակցության հուշագիր է ստորագրվել ՀՅԴ, «Վերածնվող Հայաստան» կուսակցությունների և ՀՀ երկրորդ նախագահ Ռոբերտ Քոչարյանի միջև։

Ավելին