Նախագահ Քոչարյանն ուղերձ է հղել համայն հայությանը

27.09.2020

Այսօր Ադրբեջանի կողմից սանձազերծված լայնամասշտաբ պատերազմական գործողությունների կապակցությամբ՝ նախագահ Քոչարյանն ուղերջ է հղել հայությանը, որում մասնավորապես ասվում է․

«Սիրելի հայրենակիցներ,
Այսօր թշնամին կրկին պատերազմ է սանձազերծել Արցախի դեմ։ Ադրբեջանը՝ Թուրքիայի անթաքույց քաղաքական և ռազմական աջակցությամբ, կրկին փորձում է լուծել ղարաբաղյան հակամարտությունը` զենքի ուժով։ Այսօր ժամանակը չէ խոսելու այն մասին, թե որն էր թշնամու այսչափ լկտիանալու պատճառը։ Հիմա բոլորիս սրբազան պարտքն է պաշտպանել հայրենիքը։ Մենք բոլորս պետք է մեզ Պաշտպանության բանակի զինվոր համարենք, լինենք կազմակերպված, միասնական ու ևս մեկ անգամ, ինչպես դա եղել է 1992-94թթ․, միահամուռ ուժերով ջախջախենք թշնամուն։ Վստահ եմ․ հայկական զինված ուժերը, իրենց թիկունքում ունենալով ողջ աշխարհասփյուռ հայության միակամ աջակցությունը, ի զորու են պաշտպանել Արցախի Հանրապետությունը ու հաղթանակ ապահովել։
Ռոբերտ Քոչարյան»

Ավելին

05.03.2021

Այս իշխանությունները պետք է ծնկաչոք ներողություն խնդրեին․ Ռոբերտ Քոչարյան

Հայաստանի երկրորդ նախագահ Ռոբերտ Քոչարյանը ասուլիս է տվել ռուսական առաջատար լրատվամիջոցների համար, որի շրջանակներում անդրադարձել է ներքաղաքական ճգնաժամին, դրա հանգուցալուծման վերաբերյալ իր մոտեցումներին, արցախյան հիմնահարցի ներկայիս զարգացումներին՝ տարածաշրջանային ուժային վերադասավորումների հարցին։ Նա խոսել է նաև իր մասնակցության մասին հետագա քաղաքական գործընթացներում։

Ավելին